Marta o'qildi
"Йўллар олис экан Сизга етмоққа..". янги шеърлар. Жамила Дилхуш.
Кўнглим осмонида булутлар кезар,
Кўз ёшларин тўкиб кўзини сузар.
Сизни ўйлаб бунда ҳаёл паришон,
Юрагимни ёмон рашк дарди эзар.
Рашк қиламан сизни кеча- кундуздан,
Осмондаги ойдан, нурли юлдуздан.
Сизга зимдан кулиб сирли қараган,
Ҳар бир гўзал, қоши қаро қундуздан.
Дуч келмасин дейман қоши қаролар,
Паричехра , сарвдек қадди расолар.
Қизгонаман сиздан олмасин алам,
Ишқдан куйган қалби битмас яролар.
Мухаббатим сезинг шахло кўзимдан,
Изхорларсиз айтган ширин сўзимдан.
Кўнгил қурсин нетай сизни гоҳида,
Қизғонаман сезмай хатто ўзимдан.
Мен шунақа... севсам- севаман ёниб ,
Хижроннинг ўтида куйиб., тўлғониб,
Қоши қаро санам у ёқда турсин,
Ҳатто ўзимдан ҳам сизни қизғониб!
Жамила Дилхуш.
* * *
Адашиб келибман, сиз банд экансиз.
Биз аччиқ қалампир, сиз қанд экансиз.
Мен ҳууув пастлардаман, оёғим лойда.
Билдим сиз аанчайин баланд экансиз.
Йўллар олис экан сизга етмоққа ,
Тоғдек юксакларда виқорингиз бор .
Бизлар ким бўлибмиз эшик чертмоққа,
Бўйимиз етмайди, юрибмиз ночор.
Бир сизда кўнгил бор бизлар бе дилмиз,
Сиз булбул биз эса забонсиз тилмиз.
Раъносин излайсиз гулшанлар аро,
Биз алаф ичида ифорсиз гулмиз.
Биз оддий инсонмиз, сиз эса султон,
Кўзимиз ёшидан йиғасиз ўлпон.
Хажрингизда ёнган бизнинг ўзимиз,
Юрагимиз билан тўлаймиз тавон.
Бўлди тамом энди , гапирмай жимман.
Тўғрида, мен фақир, асли ҳеч кимман.
Ўзимга ишониб қўйибман кўпроқ,
Аслида ай(и)бдор менинг ўзимман...
Аъмолимиз ёзар экан ,
Елкамизда фаришталар.
Бор савобу гуноҳимиз
Бир-бир ёзиб саришталар.
Бири савоб битса тинмай,
Яна бири гуноҳимиз.
Ёмонлиг-у яхшиликни,
Яна нима гувоҳимиз.
Ҳар бир қилган ишимизни,
Кўргандайин тушимизни.
Ёзар экан қолдирмасдан,
Олмай туриб хушимизни.
Савоб битган фариштамиз
Жуда секин ёзар экан.
Оғзимизни пойлаб аста,
Тавбамизни кутар экан.
Қани деркан тавба қилса,
Ёзмасайдим гуноҳини.
Аллоҳдан бир рахмат сўраб,
Тўкса деркан дил оҳини.
Яна бизда бор экан қалб,
Аллоҳ кирган маконимиз.
Шу гўшада Раббим билан,
Суҳбат қурмоқ имконимиз.
Шундай улуғ жой экан у,
Назар солган Қодир Аллоҳ!
Шунчалар ҳам буюк экан,
Экан мисли Каъбатуллоҳ!
Бу гўшани кимки вайрон,
Қилса десин Астағфируллоҳ!
Каъбатуллоҳ вайронасин,
Кечирмагай асло Аллоҳ!
* * *
Ярим тун...
Тақиллар эшик.
"Тақ-тақ-тақ"...
" Ким",- дейман,
Қоронғу жим-жит
Ҳамма ёқ.
Деразадан қарайман,
Аста мўралаб.
Кимлигин сўрайман,
Қўрқиб тишлаб лаб.
Э ввоҳҳ, келмиш бир гўзал,
Сочларин ёйиб.
Юзларини булоқ
Сувида чайиб.
Ҳар бир қадамини
Гуллар қучмоқда.
Гулларга маст бўлиб
Қушлар учмоқда.
Шунчалар хушрўйдир
Шунчалар пари.
Унга талпинмоқда
Ҳисларим бари.
Ярим тунда келмиш
Чертиб эшигим,
Тебратиб заминнинг
Яшил бешигин.
Ул сулув Баҳордир,
Келинчак фасл,
Оламда тенги йўқ
Гўзалдир асл.
Хуш келибсан азиз
Суюкли фаслим.
Мен сени кутгандим
Интизор асли.
Қалбимда сен учун
Байтларим бисёр.
Ўлкамга хуш келдинг
Азизим БАҲОР!
Файсбук саҳифасидан олинди.
- - -